निमझरी येथे गांधीजी आणि शास्त्रीजींना अभिवादन !

अनुदानित प्राथमिक , माध्यमिक आणि उच्च माध्यमिक आश्रमशाळेतर्फे राष्ट्रपिता महात्मा गांधी आणि माजी पंतप्रधान लालबहादूर शास्री जयंती निमित्त खास कार्यक्रमाचे आयोजन करण्यात आलेले होते. या प्रसंगी राष्ट्रपुरुषांच्या प्रतिमेचे मान्यवरांच्या हस्ते पूजन करण्यात आले. मुख्याध्यापक श्री प्रल्हाद पावरा यांनी अध्यक्ष स्थान भूषविले. आज लहान गट आणि मोठ्या गटात स्वतंत्र गीतगायन स्पर्धा घेण्यात आली . विद्यार्थ्यांनी मोठ्या उत्साहात या स्पर्धांमध्ये आपला उत्स्फूर्त सहभाग नोंदविला . आपल्या अध्यक्षीय भाषणात मुख्याध्यापक श्री पावरा यांनी महात्माजींच्या आणि शास्त्रीजींच्या विचारांचा अनुनय करण्याचे आवाहन केले . आपल्या भाषणात त्यांनी गांधीजी आणि लालबहादूर जींच्या जीवनातील काही उदाहरणे दिलीत . कार्यक्रमाचे सूत्रसंचालन श्री प्रवीण भोई यांनी केले तर आभार श्रीमती भावना पाटील यांनी व्यक्त केलेत. या प्रसंगी दोन्ही विभागांचे मुख्याध्यापक, व्यवस्थापक, शिक्षक ,शिक्षकेतर कर्मचारी आणि विद्यार्थी मोठ्या संख्येने उपस्थित होते . कार्यक्रमानंतर ''स्वच्छ भारत मिशन '' अंतर्गत शालेय आवारात साफ-सफाईची मोहीम राबविण्यात आली . 

संस्थांतर्गत 'गृहपाठ' व 'वर्गकार्य' तपासणी संपन्न !

दिनांक २२ सप्टेंबर २०१७ रोजी संस्थांतर्गत राबविल्या जाणाऱ्या उपक्रमांतर्गत शालेय स्तरीय सर्व वर्गांच्या विद्यार्थ्यांच्या 'गृहकार्य' व 'वर्गकार्य' असणाऱ्या वह्यांची  संस्थास्तरीय नियुक्त समिती मार्फत तपासणी करण्यात आली. सदर समितीत मुख्याध्यापक श्री आर.बी. भदाणे ;श्री आर .बी .पाटील आणि श्री गोसावी यांचा समावेश होता. समितीमार्फत इयत्ता आठवी ते बारावी पर्यंतच्या सर्व वह्यांची पुनर्तपासणी करण्यात आली. शाळेत सदर कार्य नियमित आणि नीटनेटके केले जाते तसेच मुख्याध्यापकांकडून नियमित आढावा घेतला जातो याबद्दल समितीने समाधान व्यक्त केले. दि शिरपूर एज्युकेशन सोसायटी मार्फत हा उपक्रम दरवर्षी नियमित पणे राबविला जात असतो . समितीत समाविष्ठ मुख्याध्यापक त्रयीनीं इयत्ता दहावी आणि बारावीच्या वर्गांना सदिच्छा भेटी देऊन विद्यार्थ्यांना मार्गदर्शन केले. 

ए. पी. ओ . श्री वाडिले साहेबांची निमझरी शाळेस भेट !

एकात्मिक आदिवासी विकास प्रकल्प ,धुळे येथील सहायक प्रकल्प अधिकारी श्री एस. टी . वाडीले साहेबांनी दिनांक २६ सप्टेंबर २०१७ रोजी अनुदानित प्राथमिक,माध्यमिक आणि उच्च माध्यमिक आश्रमशाळा ,निमझरी शाळेस भेट दिली. आपल्या सविस्तर भेटीत त्यांनी प्रत्येक वर्गात जाऊन विद्यार्थी आणि शिक्षकांशी हितगुज केले. शैक्षणिक प्रगतीचा आढावा घेतला. शाळेच्या कामकाजाविषयी तसेच विद्यार्थ्यांच्या शैक्षणिक प्रगतीविषयी त्यांनी समाधान  केले. इयत्ता दहावी आणि बारावीच्या विद्यार्थ्यांना त्यांनी भावी यशासाठी शुभेच्छा दिल्यात आणि यशाची परंपरा निरंतर चालू ठेवण्याचे आवाहन केले. यावेळी मुख्याध्यापक [माध्यमिक ] श्री पी .डी .पावरा व मुख्याध्यापक [प्राथमिक] श्री आर.एस. कुलकर्णी यांनी माननीय अधिकारी महोदयांचे स्वागत केले . 

. निमझरी येथे ''हस्तकला'' व विविध नित्यपयोगी वस्तूंची निर्मिती'' प्रशिक्षण संपन्न !

दिनांक २८ सप्टेंबर २०१७ रोजी अनुदानित प्राथमिक , माध्यमिक आणि उच्च माध्यमिक आश्रमशाळा ,निमझरी येथे आज अनुसूचित जमातीच्या विद्यार्थ्यांसाठी आयोजित  ''हस्तकला'' व विविध नित्यपयोगी वस्तूंची निर्मिती'' प्रशिक्षण " संपन्न झाले . एकात्मिक आदिवासी विकास प्रकल्प धुळे आणि ''आदिवासी सामाजिक विकास संस्था'' जव्हार यांचे संयुक्त विद्यमाने हा उपक्रम राबविण्यात आला . जव्हार येथील ''आदिवासी सामाजिक विकास संस्थेच्या'' श्रीमती संगीता गुरव , कुमारी रश्मी मोरे व श्री हेमंत चौधरी  यांनी इयत्ता ६ वी ते १२ वी पर्यंतच्या विद्यार्थ्यांना प्रशिक्षण दिले . या प्रशिक्षणात त्यांनी अगरबत्ती बनविणे , साबण बनविणे , सुगंधी द्रव्य निर्मिती, हॅन्ड वाश लिक्विड निर्मिती , खडू बनविणे , पेपर बॅग निर्मिती आदी बाबतीत प्रात्यक्षिकासह मार्गदर्शन केले तसेच प्रत्येक कृतीत विद्यार्थ्यांना सहभागी होण्याची संधी दिली . विद्यार्थ्यांनी स्वावलंबी ,आत्मनिर्भर व्हावे या उद्देशाने सदरहू संस्था कार्यरत असून धुळे प्रकल्पातील व राज्यातील इतर प्रकल्पातील सर्व आश्रमशाळांमध्ये ते हा उपक्रम राबवित आहेत. 

प्रारंभी   श्री जे .व्ही .गिरासे सर यांनी आपल्या प्रास्ताविकातून विद्यार्थ्यांनी विविध कलागुण जोपासून आत्मनिर्भर होणेसाठी अशा उपक्रमापासून प्रेरणा घ्यावी असे आवाहन केले. कार्यक्रमाचे अध्यक्षस्थान मुख्याध्यापक श्री रितेश कुलकर्णी यांनी भूषविले . कार्यक्रमास उपशिक्षक श्री एस.एम. भलकार ,श्रीमती माधुरी गावित ,श्री जे.बी. मिस्तरी ,श्री प्रमोद निळे ,श्री एच .बी .साळवे , श्री वाघ , श्री चौधरी ,श्री गोकुळ थोरात ,श्री आर .बी . जाधव ,श्रीमती भावना पाटील ,श्री मनोज महाले ,श्री जी एम पाटील ,श्री जे .डी .जाधव ,श्री डी एस पावरा उपस्थित होते. प्रशिक्षण यशस्वी करणेसाठी श्री प्रमोद पाटील ,श्री बोरसे, श्री मधुकर मोरे ,श्री रमेश भिल यांनी परिश्रम घेतलेत . 

प्रशिक्षणाचे अन्य फोटो पाहण्यासाठी खालील लिंक वर क्लिक करा :

https://photos.google.com/

आमचा मान --आमचा अभिमान !

.

आर सी पटेल आश्रमशाळांच्या विद्यार्थ्यांची मार्च २०१७ मध्ये संपन्न शालांत परीक्षेतील यशस्वी वाटचाल !

आद्य क्रांतिवीर शूरवीर उमाजी नाईक जयंती साजरी

आद्य क्रांतिवीर शूरवीर उमाजी नाईक जयंती च्या दिवशी आश्रम शाळा, निमझरी येथे प्रतिमा पूजन आणि व्याख्यानाचा कार्यक्रम संपन्न झाला. शाळेतील जेष्ठ शिक्षक श्री जयपालसिंह गिरासे यांनी क्रांतिवीर उमाजी नाईक यांचा जीवनपट विद्यार्थ्यांपुढे मांडला. कार्यक्रमाच्या अध्यक्षस्थानी मुख्याध्यापक श्री प्रल्हाद पावरा होते. प्रास्ताविक श्री चौधरी यांनी केले ,सूत्रसंचालन श्री प्रवीण भोई यांनी तर कुमारी माधुरी गावित यांनी आभार प्रदर्शन केले.